Polad Həşimovun oğlu “Kiber Ulduz” yarışmasına qatıldı

Azərbaycanın Milli Qəhrəmanı, şəhid general Polad Həşimovun oğlu Davud Həşimov Bakı Ali Neft Məktəbində (BANM) təşkil olunmuş “Kiber Ulduz” yarışmasında iştirak edib.

Bu barədə BANM-ın rektoru Elmar Qasımov Facebook hesabında yazıb:

“Çox ağıllı, ədəbli, inanclı, bacarıqlı, təvazökar, Şəhid Generalımızın adına layiq oğuldur. Ruhun şad olsun, Milli Qəhrəmanımız!”.

Qeyd edək ki, Milli Qəhrəman Polad Həşimovun 3 övladı – bir qızı, iki oğlu var.

Davud Həşimov hazırda Bakı şəhəri Fizika-riyaziyyat-informatika təmayüllü liseyin 10-cu sinfində oxuyur. Onun arzusu kompüter elmləri üzrə təhsil almaqdır. Həmçinin Davud xaricdə təhsil almaq istəyir. O, ingilis dilində bilir.

Şəhid generalın qızı Aybəniz Həşimova 2021-ci ildə Azərbaycan Tibb Universitetinə daxil olub.