İdmançımız tarixi qələbəyə imza atdı

Bolqarıstanın Plovdiv şəhərində qılıncoynatma üzrə yeniyetmə və gənclərin dünya birinciliyi keçirilib.

Yarışda Azərbaycanı təmsil edən Zərifə Hüseynova gümüş medal qazanıb. Qrup mərhələsini 5 qələbə ilə bitirən Zərifə yarımfinala gedən yolda Bolqarıstan, Koreya, İtaliya və Macarıstanı təmsil edən idmançılara qalib gələrək ən güclü dördlüyə yüksəlib.

Azərbaycanın qılıncoynatma tarixində yeniyetmələrin dünya birinciliyində ilk medalı qazanmaqla tarixə düşən Z.Hüseynovanın əsas hədəfi Yay Olimpiya Oyunlarında mükafatçılar sırasına düşməkdir.

Qeyd edək ki, Zərifə Hüseynova 2021-ci ildə Misirin paytaxtı Qahirə şəhərində keçirilən dünya çempionatında bürünc medal qazanıb.

Pərinaz Rəhimli