Builki imtahanda ən yüksək nəticəni onlar göstərdi

Martın 5-də (11 illik) orta təhsil səviyyəsi üzrə keçirilmiş buraxılış imtahanının nəticələri elan olunub.

Builki imtahanda ən yüksək nəticəni Bakı şəhəri Fizika, riyaziyyat və informatika təmayüllü respublika liseyinin şagirdi Arif Hacıyev göstərib. O, 296.7 bal toplayıb.

Arif Hacıyevin seçimi Bakı Ali Neft Məktəbinin İnformasiya təhlükəsizliyi ixtisasıdır.

Qeyd edək ki, A. Hacıyev iki il əvvəl də 9-cu sinif buraxılış imtahanında 282.6 bal toplamaqla yüksək nəticə göstərib.

Həmçinin buraxılış imtahanlarında yüksək nəticə göstərən digər şagird – Fidan Rəhimovadır. O, 294 bal toplamaqla ölkə üzrə ikincidir.

Master School tədris mərkəzinin yetirməsi olan Fidan Suraxanı rayonu, 282 saylı tam orta məktəbinin məzunudur.