Tam orta təhsil səviyyəsi üzrə martın 12-də keçirilmiş buraxılış imtahanının nəticələri açıqlanıb.
Dövlət İmtahan Mərkəzinin məlumatına görə, imtahanda 4 nəfər 297.5 bal toplamaqla ən yüksək nəticəni göstərib.
Yüksək bal toplayanlar:
Abışova Fidan Yusif qızı - Bakı şəhər Nəsimi rayon texniki-humanitar lisey. Cəmi bir sualda səhv edən Fidan universitet və ixtisas seçimini hələ qərarlaşdırmayıb. O, Azərbaycanda təhsil almaq istəyir.
Cəfərzadə Taliə Cavid qızı - Bakı şəhər Nəsimi rayon texniki-humanitar lisey. 9-cu sinifdə buraxılış imtahanından da 290 bal toplayıb, liseydə əlaçı olan Taliə IV qrup üzrə hazırlaşır, Azərbaycan Tibb Universitetində təhsil almaq istəyir.
Mürşüdlü Nəzrin Elxan qızı - Səbail rayon 160 nömrəli klassik gimnaziya. Türkiyədə təhsil almaq istəyən Nəzrin hələ hansı universiteti seçəcəyimə qərar verməyib.
O, I qrup üzrə hazırlaşıb. Komputer mühəndisi olmaq istəyir.
Quliyeva Ləman Sənan qızı - Sabunçu rayon 169 nömrəli orta məktəb. ADA Universitetində Riyaziyyat müəllimliyi (tədris ingilis dilində) üzrə təhsil almaq istəyir.
Mənbə: AzEdu