Ümummilli lider Heydər Əliyevin 100 illik yubileyinə həsr olunmuş ali, ümumtəhsil və orta ixtisas təhsil müəssisələrinin, musiqi məktəblərinin şagirdləri və tələbələri arasında gənc ifaçıların IV Respublika Müsabiqəsinin Qran-pri və I yer laureatlarının mükafatlandırılması mərasimi baş tutub.
Şəmkir rayon 7 illik Uşaq Musiqi Məktəbinin 4-cü sinif şagirdi Mirnofəl Həsənov müsabiqənin xalq çalığı alətləri və bütün yaş qrupları üzrə Qran-pri mükafatına layiq görülüb.
Xatırladaq ki, 4 ildir ki, tar musiqi aləti ilə məşğul olan Mirnofəl bir neçə müsabiqlərdə iştirak edib. O, 2021-ci ildə “Zəfər Günü” müsabiqəsinin laureatı, eləcə də, beynəlxalq müsabiqələrdə də laureatı olub. Bülbül adına Orta İxtisas Musiqi Məktəbində ümummilli lider Heydər Əliyevin 100 illik yubileyinə həsr olunmuş IV Respublika Musabiqəsində iştirak edərək, I turda ən yüksək balla qiymətləndirilib. Mirnofəl gələcəkdə Azərbaycan Milli Konservatoriyasının tələbəsi adını qazanmaq, tarın incəliklərini və sirlərini öyrənərək tanınmış tarzən olmaq istəyir.
Comments